Descansar

Unha sinxela descrición das diferentes opcións para deitarse a durmir ou descansar na Casa do Bico.

CUARTo

Cuarto privado con aseo. Acolledor, espacioso, con descalzadora e recuncho para a lectura. Con mobiliario de madeira de calidade e fermosos acabados.

SOFÁ CAMA

Parede con parede co cuarto principal temos unha saliña. É lugar de acceso ao cuarto e tamén ao patio interior e dispón dun sofá-cama que se desprega e incorporándolle un colchonciño de 7 cm de viscoelástica convértese nunha confortable cama para dúas persoas.

MOBLE CAMA

Un moble do salón, feito á man por un carpinteiro hai máis de oitenta anos e que simula un aparador, contén no seu interior unha cama ampla e cómoda para dúas persoas. É outra das opcións para un confortable descanso na Casa do Bico.

OS POLEIROS

Chamámoslles así a dúas zonas elevadas que temos na casa.
A primeira delas, no salón principal, atópase riba do baño e conta cunha colchoneta moi versátil que se transforma en cama. É un espazo con encanto e un mirador privilexiado no que xogar os máis pequenos da casa e, dependendo da idade, tamén onde durmir.

poleiro do forno

Este está nun portalín, riba do forno, e dispón de dúas hamacas que resultan unha marabilla para gozar dunha sesta, de relax ou lectura ao aire libre.

ASEO E BAÑO

ASEO

BAÑO

Descanso